Leimentaler Lied

Mi Leimetaal

Wo am Aend vom Schwyzerländli, d'Birsig s'erschte Gümpli macht,
Lyt umgääh vo stolze Burge, euser Taal i syner Pracht.
Das isch alte Heimetboode, zfriede sy mer mit der Wahl,
Denn wo chännts eus besser groote, ass deheim im Leimetaal.

Joo, mir stöhn uf guetem Boode, läbe wie im Paradies.
Grosse Aegger, saftig Matte, prächtig Obscht, joo das brucht Flyss.
Oeppis Rääbe numme weni, as grad längst für eusri Lit.
Hei mir alls im Leimetääli, schöners gits uf Aerde nit.

Stangi uf em Blaue n'obe, luege über Fäld und Wald,
Ungedra tüen d'Glogge lüüte, s'Heimetglütt hell wiederhallt.
Zringsedum ghörsch d'Tanne ruusche, singet ihres alti Lied:
Leimetaal, mi schöni Heimet, wills ass Gott di treu behüet.
 


 
© 2017
Gemeindeverwaltung Metzerlen-Mariastein  ·  Rotbergstrasse 1  ·  4116 Metzerlen  ·   061 731 15 20
Login